Nihangyo ang negosyanteng si Charlie “Atong” Ang sa Department of Justice (DOJ) nga ibalik ang iyang kaso kalabot sa nawala nga sabungero ngadto sa Philippine National Police-Criminal Investigation and Detection Group (PNP-CIDG) alang sa tukmang ug walay gidapigang imbestigasyon.
Personal nga miadto si Ang sa DOJ aron mosumiter og counter-affidavit sa kasong kriminal nga murder, kidnapping, direct bribery ug tampering of passports.
Ang iyang abogado nga si Atty. Gabriel Villareal, niingon nga gusto ni Ang nga hatagan siya sa panel of prosecutors og pagtugot nga ibalik ang tibuok kaso ngadto sa CIDG.
Dugang pa niya nga bisan og adunay katakus ang DOJ nga motabang sa PNP sa kaso nga build-up, ang imbestigasyon maoy nag-unang trabaho sa kapolisan ug dili sa piskal.
Dili gusto sa iyang kliyente nga ma-dismiss ang kaso tungod sa mahimo’g hunahunaon sa mga tawo, busa klaro nga gusto nila ang usa ka husto nga pagtukod sa kaso, patas ug walay gidapigan nga imbestigasyon.
Ang preliminary investigation gikatakdang ipadayon sa Oktubre 21.
