Gisabasura sa Court of Appeals (CA) ang apela sa kanhi mayor sa Bamban, Tarlac nga si Alice Guo nga makagawas sa prisohan, human niya gihingusgan nga ilegal ang pagdakop kaniya sa Bureau of Immigration (BI).
Sa pito ka panid nga desisyon sa kanhing First Division sa CA niadtong Oktubre 5, gisupak sa korte ang argumento ni Guo ug giklaro nga dili ang BI ang nagpadayon sa iyang pagkabilanggo.
Sumala sa appellate court, napriso si Guo pinasikad sa joint decision nga gipagawas sa Pasig City Regional Trial Court Branch 167 kalabot sa kasong qualified human trafficking, ug dili tungod sa bisan unsang warrant gikan sa BI.
Dugang pa sa korte, walay ebidensya o igong basehan nga nagpakita nga gilapas sa iyang pagkabilanggo ang iyang konstitusyonal nga katungod sa paspas nga paghusay sa kaso ug sa kagawasan
