-- ADVERTISEMENT --
Nag-donate ang beauty queen ug businesswoman nga si Celeste Cortesi og kinatibuk-ang P10 milyon ngadto sa mga nabiktima sa linog sa Sugbo ug Davao Oriental.
Matod sa mga taho, si Celeste ug iyang partner nga si Jonathan Sterling unang nanghatag og P5 milyon ngadto sa mga biktima sa magnitude 6.9 nga linog sa Sugbo kaniadtong Septiyembre 30 pinaagi sa ilang Asul Hope Foundation, sa pakigtambayayong sa Angat Buhay Foundation.
Luyo niini, nihatag na usab sila og P5 milyon ngadto sa mga biktima sa sunod-sunod nga linog sa Davao Oriental kaniadtong Oktubre 10, sa pakigtambayayong sa Philippine Red Cross (PRC).
Ang PRC nagpasalamat kang Celeste ug Sterling sa ilang kontribusyon sa rescue ug relief operations sa Davao.
