GENSAN– Dili magmakuli sa pagpasaka og kaso si PCol. Jerone Orville Panganiban, Provincial Director sa Sarangani Police Provincial Office (SPPO) ugaling adunay sakop niya ang masayran nga malambigit sa smuggling activity.
Matod niini, sa pagkakaron wala silay namonitor o impormasyon nga adunay mga personahe sa SPPO ang nalambigit sa mga pagpalusot sa mga kontrabando ilabina sa sigarilyo.
Sa pamahayag sa nasampit nga opisyal nga kung aduna silay makuha nga ebidensya og testigo batok sa usa ka pulis nga malambigit sa cigarettes smuggling ang gilayong pasakaan og kaso.
Gibutyag ni PCol. Panganiban nga mas gipahugtan sa SPPO ang kampanya batok sa cigarette smuggling pinaagi sa intelligence monitoring og 24/7 nga checkpoints aron mabantayan ang pagpalusot sa unsa man nga kontrabando.
