Nisaka ngadto sa 19 ang namatay ug 21 ang missing human ang Bagyong Bualoi miigo sa Vietnam kaniadtong Lunes, Setyembre 29.
Ang Bualoi gikonsidera nga labing kusog nga bagyo nga miigo sa nasud karong tuiga, nagdala sa kusog nga pag-ulan nga hinungdan sa pagbaha ug pagdahili sa yuta sa amihanang Vietnam.
Sumala sa gobyerno sa Vietnam, labing menos 88 ka mga tao ang nasamdan, kapin sa 100,000 ka mga balay ang nakaangkon og gamay nga kadaot ug gibana-bana nga 10,000 ka ektarya sa humayan ug umahan ang nalubog pa sa tubig baha.
Base sa report sa Vietnam weather agency, nilapas na sa 300mm ang lebel sa tubig sa pipila ka bahin sa nasud, ug ang kusog nga pag-ulan, kusog nga hangin ug kilat gibana-bana tungod sa dili maayo nga panahon.
Nagpadayon gihapon ang pagbaha sa amihanang bahin sa nasud, nga adunay daghang mga dalan nga gisirad-an ug wala’y kuryente sa lugar.
