GENSAN– Mapasalamaton si Jannice Yumul, usa ka regular nga recipient sa dugo sa Philippine Red Cross (PRC)Gensan Chapter sa dugong nadawat gikan pa niadtong 2016 tungod sa iyang sakit.
Sukad niadto, ginapasiugda niya ang kamahinungdanon sa pagdonar ug dugo, ug ang una niyang gisuportahan nga blood letting activity mao ang sa Dugong Bombo.
Sumala kaniya, kada bulan duha ka higayon siya ginatughungan ug dugo aron masuportahan ang iyang kahimtang.
Samtang, si Daniel Saadvedran Jr., presidente sa Southern General Eagles Club Inc., nagpahayag nga nasayud ang iyang grupo sa dakong importansiya sa pagdonar ug dugo human nilang matabangan ang usa ka batan-ong inahan hinungdan nga naluwas ang kinabuhi pinaagi sa koordinasyon sa PRC kung asa natagaan ug dugo.
Sukad niadto, aktibo na ang ilang grupo sa pag-apil sa mga blood donation activities lakip na ang Dugong Bombo.
Saysay usab ni Saavedra nga 17 anyos pa lamang siya dihang nagsugod sa pagdonar sa iyang dugo tungod siya nasayod kini makatabang sa uban labi na sa panahon sa emerhensya.
Giawhag niya ang katawhan nga magpartisipar sa umaabot nga Dugong Bombo nga ipahigayon sa Robinsons Gensan sa Nobyembre 15, 2025
