GENERAL SANTOS CITY – Nanawagan si Ferdinand Pareja, hepe sa Waste Management Unit, nga unta mahatagan og dugang budget ang ilang buhatan aron makapalit og dugang nga ekipo nga magamit sa operasyon ug pasilidad.
Sumala kaniya, usa ra ka ekipo ang ilang kasamtangang gigamit ug kung maguba kini sama sa sitwasyon karon, madugay ang ilang paglihok ug maapektuhan ang serbisyo nga gihatag sa publiko.
Gidugang pa ni Pareja nga bisan pa sa limitasyon sa mga ekipo, padayon gihapon ang paningkamot sa ilang opisina nga dili maapektuhan ang kalidad sa ilang serbisyo ug nga mapadayon ang hapsay nga operasyon sa solid waste management.
Iyang giapela sa lokal nga panggamhanan ug mga kauban sa konseho nga suportahan ang ilang hangyo alang sa dugang pondo aron mas mapaayo pa ang serbisyo nga ilang ginatanyag sa katawhan.
