Kurapsyon kalabutan sa flood control project, nakadaut sa imahe sa nasud

GENSAN- Adunay negatibong epekto ang isyu sa kurapsyon kalabot sa flood control project, nga giingong usa ka dakong kaulawan sa Pilipinas atubangan sa internasyonal nga komunidad.

Sumala kang Atty. Rey Cartojano, makapaluya kini sa pagsalig sa nasud, ilabi na sa mga langyaw nga nasud ug business investors.

Gibutyag usab niya nga importante ang governance perception, kay kini usa ka basihan sa mga desisyon sa mga nasud ug mga negosyo kon moplano kini mag-invest sa Pilipinas.

Kahinumduman,  sa nahitabo sa South Korea nga mibalibad kini sa pagpahulam og pondo sa Pilipinas.

Gipunting usab ni Atty. Cartojano nga ang malimbungong imahe sa mga opisyal sa gobyerno dako og epekto sa ngalan sa Pilipinas ug sa ekonomiya niini.