GENSAN- Kinahanglan nga tukion ug masayran kinsa gyud ang responsable sa kapalpakan sa Mabuhay Underpass Project.
Ang imbestigasyon kalabot sa maong proyekto ang angay ng sugdan aron mahibal-an kung unsa ang hinungdan sa problema nga gidangop sa mga katawhan sa Senado pinaagi kan Senator Raffy Tulfo, ang chairperson sa Committee on Public Service.
Gibutyag ni Atty. Rogelio Garcia nga importante nga mahibal-an sa publiko kung kinsa ang angayang manubag sa maong palpak nga proyekto.
Posible nga ang kapalpakan sa proyekto tungod sa kakulangan sa koordinasyon ug kapakyasan sa Bureau of Plans and Designs sa Department of Public Works and Highways (DPWH).
Dugang pa niya nga dili ikalimod nga posibleng adunay kakulangan ang district engineer nga wala nakig-coordinate sa Bureau of Plans, o basin aduna usab kalabutan ang opisina sa City Engineers Office.
Dugang pa niya, ang tanan nga tawo nga posibleng adunay kalambigitan sa kapalpakan kinahanglang tubagon ang mga pangutana.
