-- ADVERTISEMENT --
Nanawagan pag-usab si US President Donald Trump ngadto kay Russian President Vladimir Putin ug Ukrainian President Volodymyr Zelensky nga ipadayon ang panag-istorya aron masulbad ang ilang giyera.
Matod pa ni Trump, mahimo nilang buhaton ang panag-istorya bisan dili na siya moapil o motambong sa maong negosasyon.
Gipasabot usab sa presidente sa Amerika nga lisod gyud kaayo sulbaron ang panagbangi tungod kay wala nagpakita si Putin og interes nga mahuman na ang giyera.
Gidugang pa ni Trump nga hulaton nila ang tubag ni Putin ug kung magpadayon kini sa pagmagahi, maatubang kini sa usa ka bug-at nga sitwasyon.
