GENSAN- Mabilin nga legasiya ni Pres. Ferdinand Marcos Jr. kung sa iyang termino adunay mga opisyal sa gobyerno, kontratista ug uban pang kakunsabo nga mapanubag sa anomalosong flood control projects sa nasod.
Matod ni Atty. Rey Cartojano, usa ka license urban and environment planner, kini nga problema bug-at ug dako kaayo ang epekto ilabi na sa mga katawhan nga pirming mabahaan ug mao gyud ang nag-antos, samtang ang mga korap nga opisyal nga nakapangawat sa pondo mao ang nakapahimulos ug nabolahan.
Angay nga adunay special group o independent body nga mag-imbestiga sa maong anomalya.
Dili kini angay ipasulbad sa mga ahensya sa gobyerno lamang kay sigurado nga adunay pipila ka tawo sulod sa kagamhanan nga nakapahimulos ug nakapanguwarta gihapon sa proyekto.
Sa iyang pamahayag, gipasabot ni Cartojano nga kada tuig, deficit ang budget sa nasod tungod kay daghan sa pondo gikan sa kaban sa gobyerno ang wala nagamit sa hustong paagi ug klaro nga naadto lang sa mga bulsa sa mga korap nga opisyal
