Nipasaka si Senador Robinhood Padilla og balaodnon nga nag-require sa tanang public officials, apil na ang presidente sa Pilipinas, nga mopailawom sa tinuig nga mandatory drug testing.
Ang pagsang-at sa balaodnon sa senador dungan sa pag-resign ni Nadia Montenegro isip political affairs officer VI sa iyang buhatan.
Ubos sa Senate Bill No. 1200, o ang gisugyot nga “Drug-Free Government Act, nga nagtinguha sa pag-amenda sa Republic Act 9165 o Comprehensive Dangerous Drugs Act of 2002, magmando sa tinuig nga hair follicle drug test sa tanang opisyal sa gobyerno, gikan sa mga lokal nga opisyal ngadto sa mga nadistino sa government-owned and controlled corporations (GOCCs).
Gawas sa tinuig nga drug test, giawhag usab ang mga kandidato nga mopailawom sa voluntary random drug testing sulod sa 90 ka adlaw sa dili pa ang adlaw sa piniliay.
Kon magpositibo sa paggamit og ilegal nga droga ang usa ka opisyal, mahimong basehan kini sa kasong administratibo nga mahimong masuspenso o matangtang pa sa katungdanan.
