Magpaabot si Police General Nicholas Torre III kang acting Davao City Mayor Baste Duterte sa Rizal Memorial Sports Complex sa Manila alang sa ilang boxing for charity.
Matud pa ni Torre samtang nag-training sa boxing diin andam na ang venue alang sa ilang away karong Domingo.
Nitubag usab si Torre sa pamahayag ni Senador Ping Lacson nga andam mohatag og luna ang usa ka executive sa usa ka resort casino hotel sa away nila ni Torre ug Duterte.
Dugang pa sa Chief PNP nga aduna nay mga sponsors sa maong away nga andam mohatag og donasyon alang sa mga biktima sa kalamidad.
Gisaysay pa ni Torre nga bisan mopakita si Baste o dili, ila ra nga ipang-apod-apod ang mga hinabang sa mga naapektuhan sa bagyo ug baha.
Samtang, nigawas ang mga naunang taho nga niadto si Mayor Baste sa Singapore.
