GENSAN– Hilabihan ang pagbangotan sa pamilya sa usa ka lalaki nga nakita ang patay nga lawas ilawom sa imburnal sa DBP Homes, Conel Road, Barangay San Isidro ning dakbayan sa Gensan, alas-5:00 sa hapon kagahapong adlawa.
Giila ang lalake nga si Josefino Barbero, 36 anyos, ulitawo, nga residente sa Liloha Village, Conel Road, Brgy San Isidro.
Matud kang Jonalyn Barbero, nga adunay epilepsy ang igsuon og sa wala pa ang hitabo, nakasinati na og pipila ka higayon nga seizures.
Dugang pa niini, nagbutang og stand ang igsuon niya kilid sa creek sa Conel Road kung asa sa maong lugar usab gatulog.
Ulahi nila kining nakita niadtong Hulyo 5, alas 4:00 sa hapon dihang gihatdan og pagkaon.
Sa initial nga imbestigasyon sa kapulisan, walay foul play sa nahitabo hinungdan nga kumbinsido sila nga si Josefino ang giatake sa iyang sakit og dayon nahulog sa creek
