Wala nay kinabuhi dihang makaplagan ang usa ka babaye nga masahista sa usa ka farm sa Norzagaray, Bulacan.
Sumala sa Norzagaray PNP, nakaplagan sa mga trabahador sa farm ang patay nga lawas sa babaye nga nagsul-ob og itom nga shirt og nagalubong ang parte sa lawas niini
Base sa impormasyon, gilayon nga nagpahigayon og follow-up og hot pursuit operation ang pulis hangtod natultulan og madakpan ang suspek nga si alyas “Tano” sa Brgy. District IV, Lemery, Batangas.
Sa imbestigasyon, gipaadto sa suspek ang masahista nga si alyas “Mari” sa Brgy. San Martin, San Jose Del Monte City, sa farm para magpamasahe apan kulang ang gibayad niini og wala nagsugot ang masahista nga makighilawas.
Tungod niini, naglalisay ang duha og gisagpa sa babaye ang suspek gani nagbalos kini og gihapak sa ulo og gikulata hangtod gibawian sa kinabuhi og iya kining gilubong.
Nadiskubre lang ang brutal nga krimen dihang makita sa mga trabahador sa farm ang naga-ulbo nga yuta nga ilang gikutkot hangto nakit-an nila ang patay nga lawas sa babaye.
Narekober usab sa lugar ang pala nga gigamit sa pagkutkot sa yuta og ang cellphone sa biktima gikan sa suspek nga naga-atubang karon og kaso nga murder.
