Mas agresibo ang Kamara karong 20th congress sa pagsulong sa mga balaod nga may kalabotan sa suholan ug presyo sa lana ug masiguro ang koordinasyon ug aksiyon aron masulong dayon ang mga importanteng balaudnon.
Matod ni Tingog Party-list Representative Jude Acidre, wala gidali-dali ang mga importanteng balaudnon tungod adunay daghang sektor nga kinahanglang konsultahon.
Kini usab ang reaksyon ni Acidre sa panawagan nga hatagan og prayoridad ang paghimo dayon og mga balaudnon nga “malapit sa sikmura”.
Gipanawagan nga karong 20th congress i-advance ang pag-amenda sa oil deregulation law tungod sa padayong pagsaka sa presyo sa mga produktong petrolyo.
Sa isyu sa usbaw sa suholan, gisaway ang Kamara tungod sa hinay nga aksyon niini sa isyu sa legislated wage hike, hinungdan nga wala kini mapasar sa sine die adjournment sa 19th Congress.
