Sikop ang usa ka empleyado sa City Environment Natural Resources Office og gikonsidera nga high value individual sa gipahigayon nga drug buy bust operation sa mga awtoridad sa Sitio Cogonal, Brgy. Topland, siyudad sang Koronadal.
Giila sa mga awtoridad ang suspek nga si alyas Oplok, 55 anyos residente sa nasampit nga lugar og kasamtangan nga Forrest Technician.
Sa nahimong pahayag ni John Ryan F. Juarez, Forester III – Acting Resource, Rehabilitation and Conservation Division Head sa interview sa Bombo Radyo, wala kini nagdahom nga nalambigit sa ginadiling droga ang usa nila ka job order employee.
Dugang pa niini, gihatagan ni Juarez og importansya nga mahimong role model ang usa ka empleyado sa gobyerno.
Ginapasigurado usab sa City Government sa Koronadal nga gina-assess nila ang ilang mga empleyado og nagahatag sila og random drug testing labi na sa renewal sa mga job order employees.
Padayon usab ang panawagan sa mga otoridad sa publiko nga i-report kanila ang mga indibidwal nga may kalambigitan sa illegal nga droga.
