Girekomenda sa Department of Foreign Affairs (DFA) ang paggamit og mga pangalang Pilipino alang sa 131 ka mga geographical features sa Kalayaan Island Group (KIG) sa West Philippine Sea.
Pormal nga gipirmahan ni DFA Secretary Enrique Manalo ang National Maritime Council Resolution No. 002 (2025) nga nagrekomenda sa presidente sa Pilipinas sa pagpagawas sa Executive Order aron i-standardize o ipatuman ang opisyal nga mga pangalan sa maong mga isla ug bahín sa dagat.
Sumala ni DFA spokesperson Ma. Teresita Daza, ang maong lakang kabahin sa paningkamot sa Pilipinas nga palig-onon ang katungod sa nasud subay sa United Nations Convention on the Law of the Sea (UNCLOS) ug sa implementasyon sa 2024 Philippine Maritime Zones Act.
Angayang ang tanang ahensya sa gobyerno obligadong gamiton ang mga opisyal nga pangalan sa ilang mga opisyal nga dokumento ug komunikasyon.
Ang Kalayaan Island Group, nga nahimutang sa Spratly Islands sa West Philippine Sea, nga may territorial dispute tali sa China, Vietnam, Malaysia og Brunei.
Gituohan nga ang pagstandardize sa mga pangalan makatabang sa pagpalig-on sa legal ug historical claim sa Pilipinas sa maong mga teritoryo.
Padayon ang DFA sa diplomatikong paningkamot nga maangkon ug maprotektahan ang kadagatan nga sakop sa West Philippine Sea alang sa seguridad, ekonomiya, ug kaayohan sa nasud.
