Gisudgan na sa Pilipinas ug France ang paghisgot sa Visiting Forces Agreement (VFA) sa Paris karong semana .
Dinhi, gipahigayon ang unang hugna sa negosasyon alang sa kasabutan, nga gilauman nga magtugot sa duha ka mga nasud sa pagpahigayon sa hiniusang pagbansay-militar sa teritoryo sa usag usa.
Matud kang French Ambassador Marie Fontanel-Lassalle, malampuson ug very promising ang maong panag istoryahay kung asa posible madugayan ang proseso tungod sa nature sa mga negosasyon.
Gibutyag usab sa French Ambassador nga kon ang mga panaghisgot mosangpot sa pagpirma sa kasabutan, ang France mao ang unang Europian country nga adunay VFA uban sa Pilipinas.
Sa kasamtangan ang PH ang adunay nay VFA uban sa dugay nang kaalyado niini nga America, nga gipirmahan niadtong 1999, ug uban sa Australia, nga gi-aprobahan niadtong 2012.
Sa miaging tuig, ang Pilipinas mipirma sa Reciprocal Access Agreement (RAA) uban sa Japan, nga bag-o lang nahimong epektibo human sa ratipikasyon niini.
Ang Pilipinas mipirma usab og VFA uban sa New Zealand niadtong Abril ug bag-o lang mitapos sa negosasyon sa Canada.
