Gipasalig Philippine National Police (PNP) nga walay palagpason sa imbestigasyon sa pagkawala sa 34 ka sabungero, human sa pamahayag sa usa sa mga akusado nga adunay pulis nga nalambigit sa krimen.
Sumala ni PNP spokesperson Brig. Gen. Jean Fajardo, “Wala tayong sasantuhin—sibilyan man, opisyal, o kapwa pulis.”
Andam ang PNP nga mutabang sa Department of Justice (DOJ) ug maghatag og seguridad sa akusadong gustong mahimong state witness, bisan pa man nga wala pa silay nadawat nga pormal nga hangyo.
Gikumpirma sab ni Justice Secretary Jesus Crispin Remulla nga nakig-alayon na siya kang PNP Chief Gen. Nicolas Torre III.
Matud ni Remulla, kasaligan ang testimonya sa saksi nga mitumbok nga sa Taal Lake gilabay ang mga patay nga lawas, ug gibayran og ₱500,000 ang matag pagpamatay.
