Gituboy ni Pope Leo XIV si Brother Armin Luistro, kanhing kalihim sa Department of Education ug kasamtangang miyembro sa De La Salle Brothers, isip usa sa mga miyembro sa Dicastery for Institutes of Consecrated Life and Societies of Apostolic Life sa Vatican.
Ang pagtuboy kang Luistro ang gikumpirma pinaagi sa press bulletin sa Vatican.
Sumala sa La Salle Global, ang appointment usa ka klaro nga timaan sa “synodal path” nga gisunod sa mga Lasalyano og sa simbahan.
Ang maong Dicastery adunay tahas nga dumalahan ang relihiyosong kongregasyon ug sekular nga institusyon nga manginabuhi base sa mga evangelical counsels sulod sa Simbahang Katolika.
Si Luistro ang unang Asyanong superior general sa Lasallian Brothers, usa ka lay religious congregation nga gitukod sa France ug karon adunay opisina sa Rome.
Gilauman nga ang pagtudlo kang Brother Luistro maghatag ug dakong ambag sa pagpalig-on sa consecrated life) sa simbahan sa tibuok kalibutan.
