-- ADVERTISEMENT --

Mukabat sa 15,000 na ang gidaghanon sa mga naaresto sa kapulisan sa France tungod sa dinagkong mga protesta sa nasod sa milabay nga mga semana, sumala sa gobyerno niadtong Martes.

Gihimo ang mga protesta tungod sa panawagan sa mga Pranses alang sa reporma, ilabina sa padayon nga pagsaka sa presyo sa mga palaliton ug sa ilang pagkadismaya sa kahimtang sa sektor sa edukasyon.

Sumala kang Justice Minister Gerald Darmanin, 7,184 na ang naaresto sukad Oktubre 17 sa mga protesta batok sa inflation ug sa isyu sa sweldo.

Dugang pa niini, gibana-bana nga 8,000 ka tawo ang gidakop sa mga protesta nga may kalabotan sa reporma sa edukasyon.

Sa maong ihap, 2,661 ang mga menor de edad, diin lima kanila ang nagpabilin ubos sa kustodiya sa kapulisan.

-- ADVERTISEMENT --