-- ADVERTISEMENT --

Gilambigit sa Philippine Navy ang P10 bilyong nga gituohang shabu nga nakuha nga galutaw-lutaw sa kadagatan sa Zambales, sa Chinese Communist Party.

Sumala ni Rear Admiral Roy Vincent Trinidad, tigpamaba sa Navy alang sa West Philippine Sea, ang mga pakete sa nasangpit nga droga adunay mga Chinese markings o klaro nga indikasyon sa posibleng gigikanan niini.

Gikadugang pa ni Trinidad nga usa ka Chinese-Malaysian national ang nadakpan atol sa operasyon.

Gibutyag nga panan-aw sa militar, posible nga kabahin kini sa paningkamot sa Chinese Communist Party nga gub-on ang kaugmaon sa kabatan-onang Pilipino pinaagi sa pagpuno sa nasud sa ilegal nga droga.

Tungod sa insidente, gimanduan sa Philippine Navy ug sa Armed Forces of the Philippines (AFP) ang pagpalapad pa sa ilang comprehensive archipelagic defense operations, ilabi na sa pagmonitor sa sulod sa Exclusive Economic Zone (EEZ) sa nasud.

-- ADVERTISEMENT --

Kahinumduman nga sa milabay’ng semana, duha ka mananagat usab ang misurender sa kapin 50 ka plastic packs sa gidudahang shabu nga may mga Chinese markings sa Philippine Drug Enforcement Agency (PDEA).

Padayon ang imbestigasyon ug panawagan sa gobyerno nga palig-onon pa ang depensa sa kadagatan ug ang kampanya kontra ilegal nga droga.