-- ADVERTISEMENT --
Gatusan ka Marvel fans ang nagsul-ob og ‘Spider-Man costumes’ atol sa New York Comic Con sa New York aron sulayan ang pagbreak sa Guinness World Record alang sa pinakadakong panagtigom sa mga tawo nga nagsul-ob og ‘Spider-Man costume’.
Gipahigayon ang maong kalihokan niadtong Huwebes, nga gi-organisar sa kompanya sa dulaan nga ‘Jazwares’ kauban ang ‘Disney Consumer Products’.
Apan, wala pa ipagawas sa mga organizer ang opisyal nga ihap sa mga mitambong, bisan giila nilang wala nila malabwan ang kasamtangang rekord nga 685 ka partisipante.
Gitakda ang maong rekord sa ‘Sony Pictures Entertainment Malaysia’ niadtong 2023 isip pagselebrar sa pagpagawas sa sine nga Spider-Man: Across the Spider-Verse.
