Gipahibalo ni US President Donald Trump nga nagkasinabot na ang Israel ug Iran nga maghimo og “complete ug total ceasefire” human sa 12 ka adlaw nga gubat tali sa duha ka nasod nga magsugod sulod sa pipila ka oras.
Sa usa ka pamahayag gikan sa White House, gisulti ni Trump nga magsugod ang ceasefire o tigil-putukan sa higayon nga makompleto sa duha ka nasod ang ilang katapusang misyon.
Gilauman nga sulod sa 24 ka oras, opisyal nang matapos ang 12 ka adlaw nga panagsangka diin ang Iran ang unang mosugod sa tigil-putukan, nga sundan dayon sa Israel.
Matod pa ni Trump, atol sa tigil-putukan, ang matag kampo magpabilin nga malinawon ug magpakita og respeto.
Gipasidunggan usab ni Trump ang Israel ug Iran sa ilang kaisog, katapangan, ug kaalam sa pagtapos sa iyang gitawag nga “The 12 Day War.”
Ang gubat, matod pa niya, posible untang molungtad og daghang tuig ug makaguba sa tibuok Gitnang Sidlakan, apan wala kini nahitabo ug dili gayud kini mahitabo.
Mubo nga pasabot gikan sa pamahayag ni Trump:
“CONGRATULATIONS TO EVERYONE! It has been fully agreed by and between Israel and Iran that there will be a Complete and Total CEASEFIRE (in approximately 6 hours from now, when Israel and Iran have wound down and completed their in progress, final missions!), for 12 hours, at which point the War will be considered, ENDED! Officially, Iran will start the CEASEFIRE and, upon the 12th Hour, Israel will start the CEASEFIRE and, upon the 24th Hour, an Official END to THE 12 DAY WAR will be saluted by the World. During each CEASEFIRE, the other side will remain PEACEFUL and RESPECTFUL. On the assumption that everything works as it should, which it will, I would like to congratulate both Countries, Israel and Iran, on having the Stamina, Courage, and Intelligence to end, what should be called, “THE 12 DAY WAR.” This is a War that could have gone on for years, and destroyed the entire Middle East, but it didn’t, and never will! God bless Israel, God bless Iran, God bless the Middle East, God bless the United States of America, and GOD BLESS THE WORLD!
DONALD J. TRUMP, PRESIDENT OF THE UNITED STATES OF AMERICA”
Sumala sa usa ka opisyal nga adunay kahibalo sa negosasyon sa ceasefire, si Qatari Prime Minister Sheikh Mohammed bin Abdulrahman Al Thani maoy nakaseguro sa kasabutan tali sa Iran human sa ilang pakigstorya sa telepono sa mga opisyal sa Islamic Republic.
Kini nahitabo human isulti ni Trump sa Emir sa Qatar nga sugot na ang Israel sa ceasefire.
Gikumpirma sa usa ka opisyal sa Iran nga ilang gidawat ang kasabutan, apan hangtod karon, wala pa’y pahayag gikan sa kampo sa Israel.
