GENERAL SANTOS CITY- Gideklarang dead on arrival ang usa ka sakop sa media ug usa ka acupuncturist human nga gipusil kaganihang buntag.
Giila ang biktima nga si Ali Macalintal nga temporaryong nagpuyo sa Calina Street, Barangay Lagao Gensan.
Natigayon ang insidente sa Delmont Massage and Spa nga nahimutang sa Calina Street.
Sa pagrespondi sa kapulisan, naabtan sa sulod nga bahin ang biktima nga nagkadugo ug daling gidala sa tambalanan apan gideklarang dead on arrival.
Subay sa pahayag sa higala sa biktima, nga adunay indibidwal nga nagpakaaron-ingnon nga costumer ug nagpa-book para mag acupuncture apan paglabay sa pipila ka minuto dayong gipusil ang biktima ug misibat gamit ang motorsiklo pa Aradaza Street, Barangay Lagao, Gensan.
Nasayran nga aduna na matud pa bahad sa kinabuhi ang biktima una ang panghitabo. Padayon pa ang gihimong imbestigasyon sa kapulisan kalabutan sa maong insidente.
