GENSAN-Adunay direktang epekto ang giyera sa Middle East sa kantidad sa piso kontra dolyar.
Matud ni MSU Professor Mario Aguja, kung adunay tensyon o gyera sa Middle East, laoman ang pagsaka sa presyo sa produktong petrolyo kung asa apektado ang mga nasod sama sa Pilipinas nga nagsalig lamang sa imported nga lana gikan sa Middle East.
Kung motaas ang presyo sa lana nga ginapalit og dolyar sa nasod kinahanglan og mas daghang dolyar hinungdan nga magkinahanglan usab og daghang peso para makapalit og dolyar.
Sa pamahayag sa nasampit nga 20% ang gina-supply nga lana sa Middle East sa tibuok kalibutan. Tungod mahal ang presyo sa lana nga mapalit og dolyar, mag-ubos ang balor sa peso.
Kung ubos ang balor sa peso, mahal ang mga butang nga ginapalit o gi-import sa Pilipinas sa ubang nasod.
Nanghinaut si Aguja nga dili na magdugay ang panagbangi sa Israel og Iran og makahunahuna nga hunungon na ang ilang gyera.
