Kakulba ug kamingaw ang gibati sa usa ka pamilya human sila mismo makakuha og video sa ilang karaang aparador diin nagpakita ang hulagway sa ilang namatay nga lola.
Sumala ni Cornelio, dugay na silang adunay kasinatian nga murag adunay presensya sa ilang balay, labi na kung siya ra ang matulog sa sala.
Matud niya, murag adunay nagtutok kaniya ug nangayo og tabang o pag ampo
Ang iyang apo nga si Khim Irish, nakasulti usab nga sa ilang pagduwa og tagu-taguan, murag adunay nagtago sa sulod sa aparador – ug matag higayon nga iyang ablihan, murag naa siyay kauban.
Hangtod niadtong Mayo ning tuiga, nakakuha og video si Khim samtang nagduwa-duwa sa iyang manghud.
Apan sa video, klarong nakuhanan ang aparador ug diha, nakita ang murag nawong sa ilang Lola Gloria nga siyam na ka buwan nang patay.
Sumala sa ilang paryente nga si Divina, paborito gyud ni Lola Gloria nga magtan-aw sa iyang kaugalingon sa salamin sa aparador samtang buhi pa siya.
Apan dili lang si Lola Gloria ang nagpakita.
Sa laing video nga nakuha sa inahan ni Khim nga si Jackie Fortuna, nakita usab sa salamin ang imahe sa usa ka bata — nga ilang gituohang mao si Tenten, ang 10-anyos nga anak ni Jackie nga namatay human malumos niadtong 2023.
Nangandoy si Jackie nga makabalo sa tinuod, tungod kay sa iyang mga damgo, kanunay magpakita si Tenten nga nagtan-aw kaniya ug murag adunay gustong ipahibalo.
Tungod sa ilang kabalaka, gitawag nila ang usa ka paranormal investigator nga si Mary Cuevas. Sa pagsulod pa lang ni Cuevas sa ilang balay, iyang gibati ang kabug-at sa palibot ug presensya sa usa ka babaye.
Pag-abot sa aparador, gisusi kini ni Cuevas ug iyang giingon nga kini nga aparador posibleng usa ka “portal” o lagusan sa espiritu.
Ang presensya sa bata, giingon usab niya, posibleng nalambigit sa usa ka pangandoy nga wala natuman sa bata sa wala pa siya mamatay.
Hangtod karon, padayon ang ilang pagpangita og kasayuran ug kalinaw alang sa ilang namatay nga mahal sa kinabuhi.
