Gibutyag ni Akbayan Partylist Representative Perci Cendaña nga ilang usab nga iduso ang P200 legislated wage increase sa 20th Congress, bisag padayon ang pagsaka sa presyo sa mga palaliton.
Matud ni Cendaña, walay aksyon gikan sa Senado bisag may igong panahon aron nga i-adopt ang bersyon sa Kamara, nga makapadali unta sa pagpasar sa maong sugyot balaodnon.
Gisaway usab niya ang Senado sa paggahin lang og P100 nga dugang nga suhulan kung asa kulang ug layo sa tinuod nga panginahanglanon sa mga mamumuo.
Gikadugang pa sa maong kongresista, nga kung tinuod nga interesado ang Senado sa pagtaas sa sweldo sa mga trabahante, angayang gi-adopt a ang P200 House version para mahatud na sa malakanyang og mapirmahan.
Gisaway usab Cendaña ang LEDAC nga gipangunahan Pangulong Bongbong Marcos tungod wala gisertipikahan ang wage hike bill isip urgent.
