Impeachment trial ni VP Sara, kaya nga tapuson sa Senado sulod sa 19 ka adlaw matud ni Tolentino

Gipasalig ni Senador Francis Tolentino sa publiko nga sugdan na sa Senado ang impeachment trial ni Bise Presidente Sara Duterte karong Hunyo 11 ug mahuman kini sulod sa 19 ka adlaw o hangtod sa Hunyo 30.

Si Tolentino niinsistir nga di na molapas sa 19th Congress, nga matapos karong Hunyo 30, sukwahi sa giingon nilang Senate Minority Leader Aquilino “Koko” Pimentel III ug Senador Isa Hontiveros nga gitugotan sa Saling Batas nga molapas pa sa 20th Congress ang impeachment case.

Gibutang pa ni Tolentino ang iyang sugyot sa posibleng schedule sa Senado nga magamit sa impeachment proceedings batok kang Duterte.