Human sa malampuson ug makasaysayanong Conclave, nagkita na usab sila si Pope Leo XIV ug Cardinal Luis Antonio Tagle sa Vatican.
Pribado ang panagtagbo sa duha sumala ni Cardinal Tagle.
Matod niya nga iyang gikonsiderar si Pope Leo XIV nga “missionary shepherd” tungod sa iyang lawom nga pagtuo ug dili matarug nga misyon sa Simbahang Katoliko.
Gipaambit usab ni Cardinal Tagle sa usa ka interbyu ang iyang espirituhanong kasinatian atol sa makasaysayanong Conclave.
Matod niya nga gipili sa mga Cardinal ang bag-ong Santo Papa sa persona ni Cardinal Robert Francis Prevost, kinsa tupad ra ni Cardinal Tagle sa Sistine Chapel.
Gipaambit usab niya ang yano nga kinabuhi ni Pope Leo XIV, diin siya adunay pagpaubos.
Matod niya nga lawom usab ang pagtuo ni Pope Leo XIV samtang nanghinaot si Cardinal Tagle nga ipadayon sa bag-ong Santo Papa ang gisugdan ni anhing Pope Francis.
