Presidente sa usa nasod, nagpahigayon ug press conference nga milungtad ug 15 oras

Nagtala ug record ang pangulo sa Maldives human nga magpahigayun kini ug halos 15 oras nga press conference.

Miabot sa katibuk-ang 14 oras ug 54 minuto ang marathon press conference ni Maldives President Mohamed Muizzu.

Gikonsidera nga kini na ang pinakadugay nga press conference kung asa nalabwan niya ang 14 oras nga gihimo ni Ukrainian President Volodymyr Zelensky niadtong Oktubre 2019 nga una usab nga nalabwan ang pito ka oras nga press conference ni Alexander Lukashenko.

Ang maong press conference dungan usab sa pagsaulog sa World Press Freedom Day kung asa gidayeg niini ang nahimong papel sa mamahayag sa nasod.

Kapin 20 mga mamahayag ang mitambong sa press conference kung asa nagkadaiyang mga pangutanan ang gitubag ni President Muizzu.