Gianunsyo sa San Antonio Spurs ang pagluwat sa ilang beteranong coach nga si Gregg Popovich.
Ang team miingon nga ang 76-anyos nga coach mahimong presidente sa team sa basketball operations.
Sa samang higayon, gipahibalo sa Spurs ang ilang bag-ong coach sa persona ni Mitch Johnson.
Si Poppovich niingon nga bisan pa sa iyang gugma sa duwa, nakahukom siya nga mokanaog sa katungdanan.
Niadtong Nobiyembre sa miaging tuig, na-mild stroke siya ug wala na makabalik og duwa sa Spurs.
Nagpasalamat siya sa mga magduduwa, opisyal, ug fans sa Spurs sa ilang walay puas nga suporta.
Si Poppovich usa ka tulo ka higayon nga NBA coach sa tuig nga nangulo sa Spurs ngadto sa lima ka kampiyonato ug nag-coach usab sa USA Basketball ngadto sa bulawang medalya sa 2020 Tokyo Olympics.
Gisulod siya sa Basketball Hall of Fame isip usa ka coach sa 2023.
Niadtong 1988, si Poppovich nahimong unang assistant coach sa Spurs sulod sa upat ka season ug mibalhin aron mahimong assistant coach sa Golden State Warriors sulod sa duha ka season.
Niadtong 1994, mibalik si Poppovich sa Spurs isip general manager ug bise presidente sa basketball operations.
Niadtong 1996-97, gipulihan niya si Bob Hill isip head coach, nga nanguna sa giisip nga labing malampuson nga team sa Spurs sa NBA.
