Gipasalig sa Philippine National Police (PNP) nga andam na ang ilang han-ay alang sa umaabot nga piniliay sa Mayo 12.
Gipasalig ni PNP Chief PGen. Rommel Francisco Marbil, anaa ang tanang mga pulis ug 100% andam ang ilang mga ranggo sa pagmintina sa kahapsay sa mga voting center nianang adlawa.
Matod ni Marbil nga lakip usab siya sa mga ipakatap alang sa piniliay ug magsugod na sila sa full alert ugma, Mayo 3, siyam ka adlaw sa dili pa ang nasudnon ug lokal nga piniliay.
Samtang, 80% sa mga motabang sa pag-establisar sa kahapsay sa Bangsamoro Autonomous Region in Muslim Mindanao (BARMM) andam na karon sa mga lugar ning dapita.
Gipasalig usab ni Marbil nga ang piniliay karong tuiga maoy labing malinawon kon itandi sa nangaging mga piniliay sa miaging mga tuig.
