9 ka adlaw nga pagbangotan sa Vatican magsugod sa Sabado

Gianunsiyo sa Vatican ang pagsugod sa tradisyunal nga siyam ka adlaw nga pagbangotan para sa mipanaw nga si Pope Francis.

Sumala sa Vatican nga magsugod kini karong Sabado ang adlaw sa paglubong sa 88-anyos nga Santo Papa. Sugod sa Sabado adunay matigayon nga ginatawag nga “novemdiales” sa St. Peter’s Basilica nga mahuman hangtod Mayo 4.

Sa maong adlaw lamang magpahigayon na og ‘conclave’ sa pagpili og bag-ong mulingkod nga Santo Papa.

Samtang sa karon, libuan ka mga deboto sa simbahang Katoliko ang mipila sa St. Peter’s Basilica para maghatag ug pagsaludo kang Pope Francis.

Mulungtad ang public viewing hangtod ugma, usa ka adlaw ayha ang lubong sa Santo Papa sa Sabado.