Namatay na si Pope Francis sa edad nga 88. Kini ang gikumpirma sa Vatican pinaagi sa usa ka video statement nga ilang gipagawas kung asa gibutyag nga nakabsan sa kinabuhi ang santo papa sa gipuy-an niini sa Casa Santa Marta sa Vatican.
Kahibaluan nga 12 ka tuig nga nahimong lider sa Simbahang Romano Katoliko sukad nga nahimong santo papa kaniadtong 2013.
Ang argentinian pope ang unang Latin American nga lider sa Catholic Church.
Ang pontiff naospital sa daghang mga semana nga nakigbugno sa usa ka komplikado nga impeksyon sa baga nga misangpot sa early stages sa kidney insufficiency.
Nag-antos siya sa doble pneumonia ug naa sa Gemelli Hospital sa Roma, apan nakatambong gihapon sa misa bisan pa sa iyang sakit.
Ang Santo Papa, nga natawo sa kapital sa Argentina nga Buenos Aires isip Jorge Mario Bergoglio, nahimong unang tawo gikan sa Amerika nga mikuha sa maong tahas human mipuli kang Benedict XVI niadtong 2013.
