Nahimong init ang pagnag istoryahay nila US President Donald Trump ug Ukrainian President Volodymyr Zelensky. Naaa sa White House ang Ukrainian President nga gilauman nga mopirma sa usa ka kasabutan sa mineral sa US.
Ang miting sa Oval Office naglakip kang US Vice President JD Vance diin iyang gisaway si Zelensky tungod sa pagka-agresibo sa kanunay nga pagpangayo og tabang.
Giingong wala gani magpasalamat ang Ukrainian President sa US sa mga hinabang nga gihatag bisan og nangampanya kini sa miaging US Election mao ang kakompetensya ni Trump nga si kanhi US Vice President Kamala Harris.
Si Zelensky ug Trump nagbinayloay og mga pulong diin gibasol pa niya ang Presidente sa Ukrainian nga nakapasamot sa ilang panagbangi sa Russia.
Tungod sa tensiyon sulod sa Oval Office, wala madayon ang news conference sa duha ka lider sa nasud ug bisan ang gikatakdang pagpirma sa mineral deal. Kahinumduman nga giakusahan ni Trump si Zelensky nga nagpasiugda sa pag-atake sa Russia.
