Nanumpa na kang Pangulong Ferdinand Marcos Jr karong adlawa sa palasyo sa Malakanyang ang bag-ong gituboy nga kalihim sa Department of Transportation (DOTr) nga si Secretary Vince Dizon.
Gihatagan og gibug-aton sa Presidente ngadto kang Dizon ang pagpadali sa mga proyekto sa sistema sa transportasyon aron maibanan ang kalisod sa mga sumasakay sa pagpauli sa ilang tagsa-tagsa ka trabaho matag adlaw.
Matud ni Dizon nga ang direktiba ni PBBM mao ang pagduso sa Public Private Partnerships.
Lakip sa mga prayoridad sa Presidente mao ang pagpaspas sa subway project tungod kay giisip kini nga game changer, ang north-south commuter railway project, airport, ug mga pantalan.
Sa dihang nahinabi sa media, gibutyag ni Dizon nga iyang palig-unon ang Edsa busway tungod dakong butang kini sa mga sumasakay ug ‘at least’ makapagaan sa kalisod sa pagbiyahe sa mga pasahero.
Matod sa kalihim, dili siya pabor nga tangtangon ang bus carousel sa EDSA, apan mangita silag paagi aron mapalambo ang serbisyo sa EDSA busway, apan pabor usab si Dizon nga i-privatize ang Edsa busway.
Samtang gipahibalo ni Sec. Dizon nga dili na magpadayon ang gikatakdnag implementasyon sa full cashless toll collection sa expressways nga magsugod unta sa March 15.
