Nalutsan sa Gilas Pilipinas ang host country nga Qatar 74-71 sa pagsugod sa friendly games sa Doha International Cup kaadlawon sa adlaw nga Sabado.
Gigukod sa Gilas ang 11 points nga lamang sa Qatar 60-49 sa third quarter hangtod mapasulod ni June Mar Fajardo ang iyang free throws og kini napataas sa siyam ang lamang sa host country pagsulod sa last quarter.
Sa last quarter didto na mibawi si Justin Brownlee gikan sa dili maayong sinugdanan niya sa unang tulo ka quarter og dinhi nakahimo siya og 5-0 run.
Natala ni AJ Edu ang dunk og maoy nagkumpleto sa 7-0 run sa Gilas og napanaog ang lamang sa Qatar 66-65.
Sa mga ulahing minuto sa last quarter napagana sa Gilas ang depensa hangtod makuha ang kadaugan.
Nanguna sa kadaugan sa Gilas si Dwight Ramos nga may 15 points samtang si Fajardo adunay 12 points, 7 rebounds og 2 assists og may 10 points usab si Brownlee.
Sunod nga makaatbang sa Gilas Pilipinas ang Lebanon karong adlawa alas-11 sa gabie.
Ang maong torneo usa ka pagpangandam sa Gilas Pilipinas para sa ulahing window sa FIBA Asia Cup nga ipahigayon sa sunod semana.
