-- ADVERTISEMENT --
GENERAL SANTOS CITY – Temporaryong gipasirad-an ang usa ka dalan sa Sitio Datal Salvan Brgy. San Jose ning dakbayan sa Heneral Santos human nga nahugno kini ug na buak ang dalan resulta nga dili na kini maagian sa mga motorista.
Kini nga dalan ang gina tawag nga shortcut padulong sa T’boli, South Cotabato .
Matud sa impormasyon nga naka kuha Bombo radyo nahitabo kini tungod sa pipila ka adlaw nga kusog nga mga pag ulan.
Tungod niini, kadtong gustong maka-abot sa T’boli, kinahanglang mu-agi sa regular nga ruta sa national highway nga muagi mismo sa General Santos City paingon sa Koronadal City padulong sa T’boli South Cotabato. Nasayrang pipila na usab ka mga barangay sa maong lugar ang nabahaan tungod sa mga pag-ulan.
