Kasamtangang balhog karun sa kustodiya sa Mabuhay Police Station ang top 10 most wanted person sa city level human naaresto sa kapulisan.
Ang dinakpan nailhan nga si alyas Ran 36 anyos, minyo, usa ka driver ug residente sa Purok 1, Barangay Upper Labay, Gensan nga gaatubang og kasong homicide.
Ang operasyon ang natigayon sa Purok 1, Barangay Upper Labay, ning syudad alas 7:55 kagabii, Pebrero 6, sa paningkamot sa kapulisan sa Police Station 9 nga mao ang lead unit kauban ang lain unit sa General Santos City Police Office.
Human nasayran sa kapulisan ang nahimutangan sa akusado ang ila gilayon gi-served ang warrant of arrest for homicide with criminal case No. 24-37406 batok kay alyas Ran kon asa malampuson nilang nasikop.
Ang warrant of arrest ang gi-issue ni Presiding Judge Joyce Kho Mirabueno sa Regional Trial Court, 11th Judicial Region, Branch 58, General Santos City, South Cotabato niadtong Pebrero 5, 2025 nga adunay P120,000 nga girekomendang pyansa.
