Gikumpirma ni Department of the Interior and Local Government (DILG) Secretary Jonvic Remulla nga usa ka pinoy ang lakip sa namatay sa natigayon nga collision sa usa ka American passenger jet og US military helicopter duol sa Reagan airport sa Amerika.
Samtang giila usab sa Philippine National Police ang identity sa namatay nga Pilipino sa insidente.
Sa usa ka press conference karong adlawa, gibutyag ni PNP Spokesperson Lt. Col. Randulf Tuano nga ang namatay nga pinoy mao si PNP chief of Supply Mangement Division PCol. Pergentino Malabed Jr. nga sa official travel alang sa pre-delivery inspection sa kapin sa 2,000 units sa all-purpose vests.
Wala pay gipagawas nga pamahayag o kumpirmasyon ang Embahada sa Pilipinas sa Washington D.C. kalabutan sa pagkamatay sa usa ka Pilipino.
Una niini gikumpirma ni US President Donald Trump nga walay nakaluwas sa 67 ka tawo nga sakay sa maong eroplano og helikopter.
Ang maong panghitabo ang makonsidera nga deadliest US air disaster sulod sa kapin sa 20 ka tuig.
