-- ADVERTISEMENT --
GENERAL SANTOS CITY-Sa tumong nga pakusgon ang sektor sa agrikultura, partikular ang industriya sa kape, gipahigayon ang SOCCSKSARGEN Coffee Farmers Congress sa usa ka hotel dinhi sa dakbayan.
Gitambongan ang maong tigom sa mga coffee farmers, experts, og stakeholders gikan sa nagkadaiyang bahin sa rehiyon ug gihisgotan ang mga programa og oportunidad para sa pagpalambo sa produksyon sa kape.
Mitambong si Mayor Lorelie Pacquiao sa pagsugod sa Congress kagahapon kung asa sa iyang mensahe, iyang gitimbaya og gipasalamatan ang tanang mitambong ilabina ang mga mag-uuma nga nagsilbing pundasyon sa industriya sa kape sa rehiyon.
