Gidominar sa Minnesota Timberwolves ang Dallas Mavericks human sa ilang pagdaog sa iskor nga 133-94 atol sa ilang panag-atubang karong adlawa, Nobyembre 13.
Dili lisod alang sa Timberwolves ang ilang pagdaog human nga nakakuha na sila og 15-point lead sa pagtapos sa first half.
Misaka pa kini sa 34 ka puntos sa third quarter, maong gipahulay na sa koponan ang ilang mga starter.
Nanguna sa Minnesota si LaMelo Ball human sa pagkamada og 22 ka puntos, siyam ka assists ug duha ka steals sulod lamang sa 25 minutos sa duwa.
Miambag usab sa kadaugan ang reserve player nga si Bones Hyland nga nakarekord og 24 ka puntos, walo ka assists ug duha ka steals.
Samtang, napahimuslan sa Minnesota ang dili maayong performance sa Dallas players nga sila Kyrie Irving ug Cooper Flagg.
Nakahimo lamang si Irving og 10 ka puntos, samtang 12 ka puntos ang naangkon ni Flagg.
Tulo lamang ka puntos ang naipasok sa sentro sa Mavericks nga si Daniel Gafford.
Misaka pa sa 44 ka puntos ang kinadak-ang lamang sa Timberwolves atol sa dula, human sa ilang impresibong 58 porsyentong overall shooting.
