Gikatakda nga mag mintina ang Pilipinas sa pinakadaghang ihap sa S-70i Black Hawk helicopters sa tibuok kalibutan. ,
Ang Pilipinas misulod sa usa ka kontrata uban sa Lockheed Martin alang sa pagpalit sa kinatibuk-ang 32 ka Sikorsky Black Hawk helicopters ubos sa Department of National Defense’s Dugang Utility Helicopters Acquisition Project.
Matod sa bise presidente sa Sikorsky Aircraft sa Army ug Air Force Systems Hamid Salim, kung mahuman na ang maong deal, ang Pilipinas maoy moserbisyo sa pinakadaghang S-70i Black Hawks.
Ang maong mga eroplano matod niya nagsuporta sa panginahanglan sa Pilipinas sa pagpanalipod ug pagpreserbar sa teritoryo niini ug ang paggamit sa maong mga ayroplano magsilbi nga bentaha sa seguridad sa Indo-Pacific Region.
Kaniadtong 2024, napulo na ka Black Hawks ang na-deliver na sa Pilipinas ug kon makompleto ang total deal, moabot sa 47 ang S-70i sa nasud. Ang nahabilin gipaabot nga ihatud sa Pilipinas sa sunod nga duha ka bulan
