Gipaundang una sa Senado ang pagpatuman sa 90 ka adlaw nga preventive suspension batok kang Senators Jinggoy Estrada ug Rodante Marcoleta samtang gihulat ang resolusyon sa Sandiganbayan sa ilang mga mosyon alang sa reconsideration.
Sumala kang Senate President Sherwin Gatchalian, nadawat na sa Senado ang mga mando sa anti-graft court, apan dili pa ipatuman ang suspensiyon hangtod nga masulbad ang mga mosyon.
Gipasabot ni Gatchalian nga magpabiling naka-hold ang pagpatuman sa suspensiyon samtang wala pa ang pinal nga resolusyon sa korte.
Gibutyag usab sa Senate President nga dili makadawat og sweldo sila Estrada ug Marcoleta tungod sa ilang mga pagliban sa Senado.
Una nang gimandoan sa Fifth Division sa Sandiganbayan ang 90 ka adlaw nga preventive suspension kang Estrada, nga nag-atubang sa kasong plunder may kalabotan sa giingong pagdawat og kickback gikan sa mga kuwestiyonableng proyekto sa flood control.
Samtang, gimandoan usab sa Third Division sa Sandiganbayan ang susamang suspensiyon kang Marcoleta tungod sa alegasyon sa pagdawat og ₱75 milyon nga donasyon sa kampanya sa panahon nga nagsilbi pa siya isip representante sa usa ka party-list.
