Pipila ka flights sa Saudi Arabia, nagpabiling kanselado

Nagpabiling kanselado ang pipila ka ‘flights’ sa Saudi Arabia tungod sa padayon nga mga pag-atake sa Houthi rebels.

Mokabat sa 86 percent sa mga nakaeskedyul nga flights sa King Khalid International Airport sa Riyadh, Saudi Arabia ang gikansela sukad pa niadtong Oktubre 8.

Gipakusog sa Houthi rebels ang ilang mga pag-atake sa Saudi Arabia sukad sa unang semana sa Oktubre, diin gipuntirya ang mga tugpahanan, pantalan ug mga pasilidad sa lana.

Kahibaloan nga niadtong Oktubre 10, mokabat sa 13 ka tawo ang namatay tungod sa pag-atake sa Houthi rebels sa usa ka tugpahanan sa Saudi Arabia.

Samtang, hinay-hinay nang giabri sa Saudi Arabia ang ilang mga tugpahanan.