GENERAL SANTOS CITY- Andam na ang mga banca nga musalmot alang sa tinuig nga fluvial procession alang sa fiesta sa Santo Niño de Bula sa General Santos City.
Matud pa nga mukabat sa 200 ka mga bangka ang mosalmot karong adlawa.
Sakay sa usa ka amphibian, ibalhin sa usa ka fishing boat ang imahe sa Santo Niño og ipagawas sa simbahan alang sa fluvial procession.
Dako usab ang nahimong pasalamat ni Fr. Nono Huesca sa Bula Parish Church tungod kini sa padayon nga pagtabang alang sa ilang 47 nga kapiyestahan sumala pa niini nga bisan pa ang Bula usa ka gamay kini nga parokya kompara sa ubang mga parokya tungod usa lang kini ka barangay di parehas sa ubang mga parokya nga daghan silag mga sakop.
Dugang pa sa nasampit nga nakita niya nga usa ka manindot nga parokyahan tungod sa napili nila nga patron nga walay lain mao ang santo nino nga maoy giila nga pagtahod, pagtuo, ug pangpangayog tabang diha sa bata nga si hesus, mao ni nga karong adlawa naa usab aktibidad nga ginahimo mao ang nobena, fluvial procession ug inland processions nga nagsugod alas 4 sa kaadlawon ug mahuman kini alas dyes sa gabie ug ang sinulog magsugod sa ala una sa hapon hangtod sa alas dose sa gabie
