Mukabat sa 81 ka sako sa basura ang natigum sa gipahigayon nga cleandrive sa baybayon sa Ladol, Maribulan ug Kawas, Alabel nga gipangunahan sa DENR Provincial Environment and Natural Resources Office.
Kabahin kini sa mga aktibidad alayon sa National Climate Change Consciousness Week 2024 celebration.
Tumong niini nga mamintina ang kalimpyu sa napulo ka kilometros nga baybayon nga nagkonekta sa mangrove area sa Kawas Marine Sanctuary pinaagi sa pagpamunit sa mga nagusbat nga baling, basyo sa botelya, mga sacjet sa shampoo, ug ubang plastic nga nakuha sa lugar.
Sumala sa PENRO adunay dakong tampo ang mga punu-an sa magroves, seagrasses ug uban pang coastal habitat sa pag trap sa carbon dioxide aron mapaubos ang epekto sa global warming.
Ang National Climate Change Consciousness Week gisaulog matag November 19-25, 2024 pinaagi sa Presidential Proclamation No. 1667, Series of 2018, usa ka paningkamot aron mapakusog ang public participation aron batukan ang climate change.
