Emosyonal ang mga kabanay, higala ug bisan mga miyembro sa ONE Direction sa lubong sa kanhi nilang miyembro nga si Liam Payne.
Ang pribadong serbisyo gihimo sa Amersham sa Buckinghamshire, amihanan-kasadpan sa London.
Pipila sa mga nitambong mao ang iyang mga kauban sa banda nga sila si Harry Styles, Louis Tomlinson, Niall Horan ug Zayn Malik.
Mitambong usab ang uyab ni Payne, nga si Kate Cassidy, ug ang iyang kanhing kapikas, si Cheryl, ug ang ilahang anak.
Miabot sa simbahan ang lungon ni Payne nga gidalag karwahe nga puno sa mga bulak.
Daghang mga fans ang naghulat sa dalan aron makit-an ang ilang idolo sa katapusang higayon.
Kahinumduman nga nitaliwan si Payne niadtong Oktubre 16 diin nahulog kini gikan sa ikatulong andana sa hotel nga iyang gipuy-an sa Buenos Aires.,
